இந்நோயினைப்
பற்றி

அறிகுறிகள்

மேலாண்மை முறைகள்

குளம்பு அழுகல் நோய்

இந்நோயினைப்பற்றி

நோயின் தன்மை

மாடுகளின் கால் குளம்புகளுக்கு இடையிலும், குளம்புகளைச் சுற்றியும்,பின்னங்கால்களிலும் திசு அழிதல், அழற்சி, புண்கள் ஏற்படுதல் போன்ற பாதிப்புகள் மாடுகளில் நுண்ணுயிரிகளால் ஏற்படும் பாதிப்புகளாகும். இதனால் பாதிக்கப்பட்ட மாடுகள் கால் பாதிக்கப்பட்டு சரியாக நடக்கமுடியாது.

நோய்க்கான காரணங்கள்

இந்நோய் ஸ்பீரோஃபோரஸ் நெக்ரோபோரஸ் எனும் பாக்டீரியாவால் ஏற்படுகிறது.
அசைபோடும் விலங்கினங்களின் சீரண மண்டலத்தில் இந்த பாக்டீரியா சாதாரணமாகக் காணப்படும்.

நோய்பரவும் முறை
மாடுகளின் தோலில் புண்கள் மற்றம் காயங்கள் ஏற்படுத்தும் சூழ்நிலைகளான ஈரமான, சேறு போன்ற கொட்டகைத்தரை,அல்லது கடினமான கொட்டகைத் தரை உண்ணிகளால் மாடுகளின் தோலில் ஏற்படும் புண்கள் அல்லது ஸ்ட்ராங்கைலஸ் பேப்பிலோசா லார்வாவினால் ஏற்படும் புண்கள் போன்றவை நோய் பரப்புவதில் முக்கிய பங்கு வகிக்கின்றன. ஈரமான,வெதுவெதுப்பான சூழ்நிலைகளும் (20-25 டிகிரி செல்சியஸ்), மண், சாணம், வைக்கோல் போன்ற மாடுகளுக்கு படுப்பதற்குப் பயன்படுத்தப்படும் பொருட்கள் போன்றவையும் நோய் ஏற்படுவதற்குத் துணை புரிகின்றன.

அறிகுறிகள்

நோயின் அறிகுறிகள்
	மாடுகள் நடக்கமுடியாமல் நொண்டுதல் இந்நோயின் முதல் அறிகுறியாகும். கால் குளம்புகளுக்கு இடையில் ஈரமாகவும் சிவந்தும் காணப்படுதல். கால் குளம்புகளுக்கு இடையில் கொப்புளங்கள் தோன்றுதல். கால்குளம்புகளின் கடினமான பகுதி கால்பகுதியிலிருந்து கழன்று விடுவதுடன், துர்நாற்றம் வீசுதல். பாதிக்கப்பட்ட மாடுகள் கால்களை உதைத்துக்கொண்டு இருத்தல், நடப்பதைத் தவிர்த்தல், வலியின் காரணமாக இரண்டு கால்களில் நடக்க முயற்சி செய்தல். ஒரே சமயத்தில் இரண்டு அல்லது அதற்கு மேற்பட்ட கால் குளம்புகள் பாதிக்கப்படுதல். உடல் வெப்பநிலை அதிகரித்து, மாடுகள் தீவனம் எடுக்காமல் இருப்பதால் உடல் எடை குறைதல்.

மேலாண்மை முறைகள்

நோயினைக் கட்டுப்படுத்துதல்
ஈரமற்ற, காய்ந்த தரையுள்ள கொட்டகையில் மாடுகளைப் பராமரிக்கவேண்டும். பாதிக்கப்பட்ட மாடுகளை மற்ற மாடுகளிலிருந்து தனியாகப் பிரித்துப் பராமரிக்கவேண்டும். கால் குளம்புகளை 5% தாமிர சல்பேட் கரைசலில் சில நிமிடங்களுக்கு மூழ்கியிருக்குமாறு செய்யவேண்டும். வருடத்திற்கு இரண்டு முறை அதிகமாக வளர்ந்த குளம்புகளை வெட்டிவிட வேண்டும். ஃபார்மால்டிஹைடு அல்லது ஃபீனால் உபயோகப்படுத்தி ஒரு வாரத்திற்கு 1 -2 முறை கால்குளம்புகள் மூழ்கியிருக்குமாறு செய்யவேண்டும். இவ்வாறு சில வாரங்களுக்கு செய்யவேண்டும். குளம்புகளை ஒவ்வொரு முறை நறுக்கிய பிறகும் நோய்த்தடுப்பு முறையாகவும் இதனை மேற்கொள்ளலாம்.10% தாமிர சல்பேட் கரைசல் அல்லது 10 % தாமிர சல்பேட் கரைசலைப் பயன்படுத்தியும் கால்குளம்புகளை மூழ்க வைக்கலாம்.

தடுப்பூசிகளைப் பயன்படுத்தினால் நோயி்ன் தாக்கம் குறையும். இந்நோய்க்கான இரண்டு தடுப்பூசிகளை மாடுகளின் கழுத்தில் 4-6 வார இடைவெளியில் போடவேண்டும். மழைக்காலம் ஆரம்பிப்பதற்கு முன்பாக இந்நோய்க்கான தடுப்பூசிகளை போடலாம். பிறகு வருடம் ஒருமுறை மழைக்காலம் ஆரம்பிப்பதற்கு முன்பும் தடுப்பூசிகளை போடவேண்டும்.